Осыған дейін біз тұрғын үй сертификаты дегеніміз не және пәтер сатып алу үшін 1 000 000 теңге көлеміндегі тұрғын үй сертификатын кім ала алатыны жайлы айтқан болатынбыз.

Бастапқы жарнаны өтеуге ұсынылатын 1 000 000 теңге көлеміндегі тұрғын үй сертификатын кімдерге беру жоспарлануда?

«5-10-20» (Шаңырақ) бағдарламасы аясында «Халықтың әлеуметтік осал топтары» санаты үшін бастапқы жарнаның бір бөлігін жабу үшін 1 000 000 теңге мөлшерінде тұрғын үй сертификатын ұсыну жоспарлануда.

«Халықтың әлеуметтік осал топтары» санатына кімдер тийісті екендігін білу үшін біздің "Тұрғын үй кезегіне кімдер тұра алады" атты мақаламызды оқысаңыз болады.

Пәтер сатып алу үшін 1 000 000 теңге көлеміндегі тұрғын үй сертификатын қалай алуға болады?

«5-10-20» (Шаңырақ) бағдарламасына қатысуға ТҚЖБ сайты арқылы өтінім беру;
Тұрғын үй құрылыс жинақ банкіне төлем қабілеттілігін растау үшін құжаттарды ұсыну қажет;
Бағдарламаға қатысуға келісім алып, пәтер табу қажет (іздеуге үш ай беріледі);
Банкке тұрғын үй құжаттарын ұсынып, пәтердің немесе үйдің мақұлданғаны туралы хабарламаны күту қажет;
Ипотекалық несие беру туралы хабарламаны алу қажет.
Тұрғын үй сертификатын ұсыну үшін тұрғын үй қорына жүгіну қажет;
1 000 000 теңге алу жайлы шақыруды күту қажет (күту мерзімі 1-7 күн);
Шақыртуға қол қойылғаннан кейін сіздің жеке кабинетіңізге үш күн ішінде 1 000 000 теңге жіберіледі;
Бастапқы төлем үшін 1 000 000 теңгені ТҰҚЖБ жинақтау шотына жіберу қажет;
Сатып алу-сату шартына қол қою қажет;
Кепіл шартын жасасу және ХҚКО-да тіркелу қажет;
1 000 000 теңге пәтер сатып алуға жұмсалғандығы туралы ақпаратты көрсету үшін сатып алу-сату шартын тұрғын үй қорына растау үшін әкелу қажет.

Сонымен қатар «5-10-20» (Шаңырақ) бағдарламасына қатысты біздің басқа мақалаларымызбен таныс болыңыздар:

«5-10-20» (Шаңырақ) бағдарламасы

Ипотека для женщин