Зейнетақы қорындағы қаражаттың бір бөлігін кімдер ала алады?

Зейнетақы қорында жинағы бар, жұмыс істеп жүрген азаматтар (жинағы жеткілікті мөлшер шегінен асқан жағдайда).
БЖЗҚ-да жинағы бар, зейнет жасына жеткен кісілер қордағы қаражатының 50 пайызына дейін пайдалана алады. Бұл санаттағы азаматтардың мемлекеттен алып отырған зейнетақысы, базалық зейнетақы және БЖЗҚ алып отырған төлемдерді қосқан кезде оның зейнетке шыққан кездегі табысының кемінде 40 пайызынан төмен болмауы керек.
Зейнетақылық аннуитетті рәсімдеген және сақтандыру қорына аударғаннан кейін БЖЗҚ-да жинағы қалған азаматтар

"Жеткілікті мөлшер шегі" дегеніміз не?

"Жеткілікті мөлшер шегі" – азамат зейнет жасына дейін жарналарды тұрақты түрде кемінде ең төменгі жалақы мөлшерінде аударып отырған жағдайда, зейнетке шыққаннан кейін кемінде ең төменгі зейнетақы мөлшерін алуға мүмкіндік беретін сома. Жеткілікті мөлшер шегі әр жасқа бөлек белгіленеді және зейнетақы жинақтары бұл мөлшер шегінен асқан жағдайда ғана оны шешіп,қолдануға болады:

Сіз зейнетақы жинақтарын қандай мақсатта пайдалануға ала аласыз?

тұрмыстық жағдайды жақсарту;
емделу ақысы;
зейнетақы активтерін инвестициялық компаниялардың басқаруына беру.

Зейнетақы жинақтарын алуға арналған қосымша талаптар:

БЖЗҚ-дан Отбасы банкіне ақша арнайы шотқа түседі. Бұл шот үшінші тұлғалардың кез-келген қол сұғушылықтарынан қорғалған (егер пайдаланушының қарыздары болса, мысалы, төленетін алименті болса, онда бұл ақшаны оныөтеу үшін алу мүмкін емес);
БЖЗҚ-дан Отбасы банкіне ақша аударылған кезде және мақсатыңыз үшін алынған ақшаны аудару кезінде комиссия алынбыйды;
Зейнетақы жинақтарын алу үшін сіз 10% салық төлеуіңіз керек («Зейнетақы жинақтарын алу кезіндегі салық» бөлімін қараңыз);
Егер пайдаланушы екі ай ішінде БЖЗҚ-дан ақшаны пайдаланбаған болса, онда «Отбасы Банкі» оны БЖЗҚ-ға қайтарад
Ақшаны өзіңізге, жұбайыңызға немесе жақын туыстарыңызға алуға болады (ата, әже, ата-ана, балалар, немерелер, ағалар, апа-сіңлілер). Көрсетілген отбасы мүшелерінің қаражатын біріктіру мүмкіндігі қарастырылған;
Зейнетақы жинақтарын пайдалана отырып сатып алынған тұрғын үйді тек 5 жылдан кейін сатуға болады;
Ерлер мен әйелдер үшін жеткіліктілік мөлшер шегі бірдей;

Зейнетақы жинақтарын мерзімінен бұрын қай кезде алуға болады

Қазақстандықтар өз жинақтарын 2021 жылдың 1 қаңтарынан бастап пайдалана алады. Зейнетақы жинақтарын мерзімінен бұрын пайдалану бойынша барлық операциялар онлайн режимінде жүзеге асырылады.

Зейнетақы жинақтарын алу механизмі

ЖССБ 24 веб-сайтына кіріңіз (сізде ЭЦП болу керек);
Зейнетақы қорынан ақша алу себебін көрсете отырып, өтінішті толтырыңыз;
Өтініш автоматты түрде БЖЗҚ мәліметтер базасына тексеріске жіберіледі;
Өтініш бес күн ішінде қаралады;
Зейнетақы қорынан ақша аударуға болатындығы расталғаннан кейін, БЖЗҚ ақшаны Отбасы банкіне аударады;
Отбасы банкі оларды үш күн ішінде мақсатыңыз үшін алынған ақшаны пунктке комиссиясыз жібереді (банк, медициналық мекеме және т.б.).

Зейнетақы жинақтарына салынатын салық

Зейнетақы жинақтарын алатын болсаңыз, сізге 10% салық төлеу қажет болады. Салық сомасы зейнетақы қорынан алынған ақшаға қалай есептелетінін қарастырып көрейік.

Мысалға сіздің айлықтарыңыз айына 100000 теңгені құрайды делік. Осы соманың 10% (10000 теңге) зейнетақы қорына аударылады. Қалған сомадан, яғни 90 000 теңгеден жеке табыс салығы бойынша 10%, сондай-ақ медициналық сақтандыру үшін 2% ақша алынады.

Ескерелік шарт: зейнетақы қорына аударылған сомадан 10% яғни 0000 теңгеден салық алынбаған болатын . Сондықтан, зейнетақы қорынан ақша алу кезінде азаматтар бұл салықты төлеуі керек. Мысалға сіз 4 000 000 теңгені зейнетақы қорынан ала аласыз делік, бұл сомадан сіз 10% яғни 400 000 теңге салық төлеуіңіз керек.

Міне, осы 400 000 теңгені сіз бірден төлей аласыз немесе 16 жылға несие ретінде рәсімдей аласыз.

Зейнетақы жарнасын қалай тексеруге болады?

БЖЗҚ шотынан ақпарат алу үшін қазақстандықтарға қордың кеңсесіне барудың немесе халыққа қызмет көрсету орталығына барудың (ЦОН) қажеті жоқ. Зейнетақы жарнасын тексерудің үш жолы бар:

Еgov.kz порталы арқылы
БЖЗҚ (enpf.kz) сайты арқылы
eGov Mobile мобильді қосымшасы арқылы

Зейнетақы жарнасын egov.kz порталы арқылы тексеру

Ол үшін:

Еgov.kz жүйесіне кіріп, «Интернеттегі қызметке тапсырыс беру» батырмасын басу керек.
Өтінішті толтырып, оған ЭЦҚ-мен (электрондық цифрлық қолтаңба) қол қойыңыз.
Жеке кабинетіңіздегі «Қызметтерді алу тарихы» бөліміне өтіңіз.
Зейнетақы жарнасы жайлы анықтаманы оқыңыз.

Зейнетақы жарнасын enpf.kz сайты арқылы тексеру

Ол үшін:

Enpf.kz веб-сайтына өтіңіз
«Электрондық қызмет кқрсету» бөлімін таңдаңыз
«Жеке зейнетақы шотынан үзінді көшірмені email арқылы алу» қызметін басыңыз
Ақпаратты оқып, «ОК» батырмасын басыңыз
Салымшының ЖСН, электрондық пошта мекенжайын енгізіп, шоттан үзінді көшірме қажет болатын кезеңді көрсетіңіз
«Жіберу» батырмасын басыңыз
Осыдан кейін ақпарат электронды поштаңызға жіберіледі.

Зейнетақы жарнасын "eGov Mobile" мобильді қосымшасы арқылы тексеру

Ол үшін:

Смартфонға eGov Mobile қосымшасын жүктеп алыңыз
«Қызметтер» бөлімін таңдаңыз
«Жеңілдіктер, жәрдемақылар және зейнетақылар» бөлімін таңдаңыз
Іздеу жолына «Зейнетақы жинақтарының жағдайы туралы ақпарат» деп теріңіз.

Ескерелік жайт: зейнетақы жинақтарын тексеру үшін сізге ЭЦҚ қажет емес. Қызметті бір реттік SMS құпия сөзі арқылы алу жеткілікті.

Тағы да сұрақтарыңыз қалған болса, AITU мессенджеріндегі "Менің үйім" қауымдастығына қосылыңыздар. Біз міндетті түрде сұрақтарыңызға жауап береміз!

Все о досрочном снятии части пенсионных накоплений