Достар, бүгін біз сіздерге Тұрғын үй құрылыс жинақ банкі (ТҰҚЖБ) ұсынатын «Арнау» балалар депозиті жайлы айтқымыз келеді. Бұл бағдарлама осы жылдың жаз айында шыққан болатын. Ендеше осы «Арнау» балалар депозитінің артықшылықтары мен кемшіліктерін қарастырып көрейік.

«Арнау» балалар депозитінің талаптары

Балаға «Арнау» депозитін тек заңды өкілдері (ата-аналары, қамқоршылары) аша алады;
«Арнау» депозитінің жинақтау мерзімі 10 жылдан 15 жылға дейін. Осы уақыт аралығында депозитте болашақта алатын баспана құнының 50% жинау қажет. Жинақтау кезеңінде бұл депозитке банктің жылдық 2% мөлшеріндегі сыйақысы және 20% мөлшеріндегі жылдық мемлекеттік сыйлықақысы түсіп тұрады ("Тұрғын үй құрылыс жинақ банкінің сыйақысы мен мемлекеттік сыйлықақысы қалай есептеледі?" атты мақаласын оқып көріңіз).
Бағалау көрсеткіші (ОП) "48" деңгейіне жету керек («ОП дегеніміз не?» мақаласын қараңыз);
Минималды жинақтау мерзімі аяқталғаннан кейін (яғни 10 жыл), «Арнау» депозитінің иесі жылдық 2% мөлшерлемемен тұрғын үй заемын рәсімдей алады ("Тұрғын үй құрылыс жинақ банкіні ұсынатын ипотекалық бағдарламалардың қандай түрлері бар?" атты мақаласын оқып көріңіз).

Маңызды: Егер сіз балаңызға «Арнау» депозитін жастайынан ашып, онда баспана құнының жартысын кем дегенде 10 жыл ішінде жинасаңыз және бағалау көрсеткішін (ОП) "48" деңгейіне жеткізсеңіз,онда сізге жылдық 2% мөлшерлемемен несие рәсімдеп, баспана сатып алуға болады. Алайда тұрғын үй заемы ересек салымшыға ғана беріледі, яғни бала 18 жасқа толған болуы керек. Тұрғын үй заемын 6 айдан 10 жылға дейін алуға болады.

«Арнау» балалар депозитінің артықшылықтары

«Арнау» депозитінің иесі несиені аз табыспен де ала алады, өйткені мұнда төлем қабілеттілігін растаудың оңайлатылған тәртібі бар.

«Арнау» балалар депозитінің қосымша шарттары

«Арнау» депозитін бөлуге, тағайындауға және біріктіруге болмайды;
Сіз басқа тарифтік бағдарламалардан «Арнау» депозитіне ауыса алмайсыз.

Яғни, сіз болашақта «Арнау» депозитін ашатын болсаңыз, кейін оны «Отбасылық пакетке» біріктіре алмайсыз. Мысалға сізде және сіздің ініңіз бен қарындасыңызда ТҰҚЖБ-да "әдеттегі" депозиттері бар делік. Заем алар алдында сіз барлық отбасы мүшелерінің сыйлықақыларын сақтай отырып «Отбасылық пакет» аясындағы депозиттерді бір салымға біріктіріп, ортақ тұрғын үй займын ала аласыз.

Маңызды: «Арнау» депозитін «Отбасылық пакетке» біріктіруге болмайды.

«Отбасылық пакеттің» депозиттері жақсы сыйақы жинау үшін жинақталған. «Арнау» депозиті біріктірілмегендіктен, сіз "48"-ге тең бағалау көрсеткішіне (ОП) сәйкес келетін сыйақыны өзіңіз жинауыңыз керек.

Бұл не дегеніміз?

Егер сізде "әдеттегі" депозитте жинағыңыз бар болса және сіз құны 10 миллион теңгені құрайтын тұрғын үйді сатып алуды жоспарлаған болсаңыз, онда сізге 160 000-ға тең мөлшерде сыйақы жинау керек (сыйақы былай есептеледі: пәтер құны / 1000 * 16 = сыйақы). Егер сізде әлі 160 000-ға тең мөлшерде сыйақы жиналмаған болса, онда сізге басқа депозиттерді сатып алуға немесе біріктіруге болады.

Бірақ егер сіз «Арнау» депозитіде ақша жинайтын болсаңыз және сіз құны 10 миллион теңгені құрайтын тұрғын үйді сатып алуды жоспарлаған болсаңыз, онда сізге сыйақыны "әдеттегі" депозитке қарағанда үш есе көп жинау керек, яғни 480 000-ға тең мөлшерде сыйақы жиналуы қажет (сыйақы былай есептеледі: пәтер құны / 1000 * 48 = сыйақы ). Сыйақылардың барлық мөлшері басқа депозиттерді сатып алмай және біріктірмей жинақталуы шарт. Мұның бәрі пәтерді 5% -дан емес, 2% -дық мөлшерлемемен сатып алу үшін керек.

Маңызды: егер жинақтау мерзімі оныншы жылға дейін жеткенде сізде «Арнау» депозитінде 480 000-ға тең мөлшерде сыйақы жинақталмаған болса, онда сіз тұрғын үй құнының жартысын жинаған болсаңыз да, 2% -бен ипотека ала алмайсыз.

2% -бен несие алу қаншалықты тиімді?

"Әдеттегі" депозит бойынша және "Арнау"депозиті бойынша берілген екі тұрғын үй заемының артық төлемдерін салыстырып көріңіз:

Артық төлем аса көп емес екендігі көрініп тұр, шамамен 300 000 теңгедей.

Егер кредитті төлегенде аса көп емес артық төлем шығатын болса, онымен қоса сыйақыны "әдеттегі" депозитке қарағанда үш есе көп жинау керек болса, онда "Арнау" депозитінде ақша жинау қажет па...

Тағы да сұрақтарыңыз қалған болса, AITU мессенджеріндегі "Менің үйім" қауымдастығына қосылыңыздар. Біз міндетті түрде сұрақтарыңызға жауап береміз!

Детский депозит «Арнау»