Тұрғын үй сертификаты дегеніміз не?

Табысы төмен отбасылар үшін әкімдіктер тұрғын үй сатып алу үшін тұрғын үй сертификатын ұсынады. Сертификат ҚР Ұлттық Банкі бекіткен ипотекалық бағдарлама немесе мемлекеттік тұрғын үй құрылысы бағдарламасы бойынша тұрғын үй сатып алынған жағдайда беріледі. Тұрғын үй сертификаты ипотекалық тұрғын үй қарыздары бойынша бастапқы жарнаның бір бөлігін жабу үшін беріледі.
Тұрғын үй сертификатының сомасы әрбір алушы үшін 1 (бір) млн. теңгеден аспайды және оны тек 1 рет алуға болады.
Тұрғын үй сертификаттары тиісті қаржы жылына жергілікті бюджеттерде көзделген қаражат шегінде беріледі. Қаражат жеткіліксіз болған жағдайда тұрғын үй сертификаттарын беруді тоқтату туралы хабарландыру жарияланады.
Әлеуметтік көмек түріндегі тұрғын үй сертификатын, егер отбасының әрбір мүшесіне соңғы 6 айдағы табысы айына 2 ең төменгі күнкөріс деңгейінен аспайтын жағдайда бере алады. 2020 жылы ең төменгі күнкөріс деңгейі 32668 теңгені құрайды. Әлеуметтік көмек өтеусіз және қайтарымсыз негізде беріледі.

Пәтер сатып алу үшін 1 000 000 теңге көлеміндегі тұрғын үй сертификатын кім ала алады?

1 миллион теңге көлеміндегі тұрғын үй сертификатын алуға «Бақытты отбасы» бағдарламасы бойынша тұрғын үй қорынан жолдама алған,сондай-ақ Тұрғын үй құрылыс жинақ банкінен ипотекалық несие беру туралы хабарламаны алған әкімдіктердің кезегінде тұрған азаматтер құқылы.

Пәтер сатып алу үшін кезек тізіміндегі азаматтардың қандай санаттары мемлекеттен алғашқы төлем ретінде 1 000 000 теңгені ала алады?

1 000 000 теңге «Бақытты отбасы» бағдарламасы бойынша конкурстан өткен үміткерлерге беріледі, ал бағдарламаның қатысушыларына келесі категориялар бойынша кезекте тұрған азаматтар санаты жатады:

көпбалалы отбасылар;
толық емес отбасылар;
мүгедек балалары бар немесе оларды тәрбиелеп отырған отбасылар.

Пәтер сатып алу үшін 1 000 000 теңге көлеміндегі тұрғын үй сертификатын қалай алуға болады?

«Бақытты отбасы» бағдарламасына өтінімдер қабылдау конкурсы жарияланған кезде тұрғын үй қорына қатысуға өтінім беру қажет;
Тұрғын үй қорынан жолдама алу қажет;
Тұрғын үй құрылыс жинақ банкіне төлем қабілеттілігін растау үшін құжаттарды ұсыну қажет;
Бағдарламаға қатысуға келісім алып, пәтер табу қажет (іздеуге үш ай беріледі);
Банкке тұрғын үй құжаттарын ұсынып, пәтердің немесе үйдің мақұлданғаны туралы хабарламаны күту қажет;
Ипотекалық несие беру туралы хабарламаны алу қажет.
Тұрғын үй сертификатын ұсыну үшін тұрғын үй қорына жүгіну қажет;
1 000 000 теңге алу жайлы шақыруды күту қажет (күту мерзімі 1-7 күн);
Шақыртуға қол қойылғаннан кейін сіздің жеке кабинетіңізге үш күн ішінде 1 000 000 теңге жіберіледі;
Бастапқы төлем үшін 1 000 000 теңгені ТҰҚЖБ жинақтау шотына жіберу қажет;
Сатып алу-сату шартына қол қою қажет;
Кепіл шартын жасасу және ХҚКО-да тіркелу қажет;
1 000 000 теңге пәтер сатып алуға жұмсалғандығы туралы ақпаратты көрсету үшін сатып алу-сату шартын тұрғын үй қорына растау үшін әкелу қажет.

Тұрғын үй құрылыс жинақ банкінен ипотекалық несие беру туралы хабарламаны алғаннан кейін тұрғын үй қорына қандай құжаттар тапсыру керек?

Өтініш
Жеке басын куәландыратын құжаттар (өтініш берушінің және оның отбасы мүшелерінің)
Табыс туралы анықтама (өтініш беруші және жұбайы)
Тұрғын үй құрылыс жинақ банкінен ипотекалық несие беру туралы хабарлама
Зейнетақы жарналары жайлы анықтама (өтініш беруші мен жұбайының) немесе жеке кәсіпкерлердің декларациялары туралы есеп

Как проверить пенсионные накопления?