Достар, 2 қарашадан бастап Тұрғын үй құрылыс жинақ банкі мен BI Group ұсынған бағдарлама басталған болатын. Сіздердің көпшілігіңізде "баспана құнының 36%-на тең бастапқы жарна арқылы Тұрғын үй құрылыс жинақ банкінің (ТҰҚЖБ) қандай несие түрін рәсімдеуге болады?" деген сұрақ туындаған болатын. Шынында да, ТҰҚЖБ ұсынатын барлық несие түрлерінде бастапқы жарна баспана құнының 50%-н құрауы керек. Жаңа бағдарламаның шарттарын толығырақ осы мақалада қарастырайық.

Тұрғын үй құрылыс жинақ банкі мен BI Group ұсынатын бағдарламаны кім рәсімдей алады?

Бұл бағдарлама Тұрғын үй құрылыс жинақ банкінің депозитінде жинағы бар BI Group клиенттеріне арналған. Егер клиенттің депозитінде баспана құнының 36% болса, онда ол бұл бағдарлама арқылы ипотека рәсімдей алады.

Тұрғын үй құрылыс жинақ банкі мен BI Group ұсынатын бағдарламаны қалай рәсімдеуге болады?

Біріншіден, BI Group клиенті бұл бағдарламамен берілетін тұрғын үй кешендерінің ішінен ұнаған пәтерін таңдайды («Пәтерлерді қандай тұрғын үй кешендерінен Тұрғын үй құрылыс жинақ банкі мен BI Group ұсынатын бағдарлама арқылы сатып алуға болады?» тармағын қараңыз). Клиент құны 10 000 000 теңгені құрайтын пәтерді таңдап алды делік. Бағдарламаның талаптарына сәйкес, тұрғын үй құрылыс жинақ банкі бұл пәтердің құнына банктің 3% қосады, яғни 10 000 000 теңге + 3%. Сонда осы бағдарлама бойынша ипотеканы рәсімдегенде сатып алынатын пәтер құны ретінде 10 300 000 теңге (1000000 + 300 000) саналады. BI Group клиентінде бұл соманың 36% көлемінде бастапқы жарнасы болуы керек. Яғни, клиенттің ТҰҚЖБ депозитінде 3 708 000 теңге (10 300 000 теңге сомасының 36%) көлемінде жинағы болуы керек. Егер бұл депозитте сома болса, клиент жаңа бағдарлама бойынша пәтер сатып алып, ипотека рәсімдей алады.

Тұрғын үй құрылыс жинақ банкі мен BI Group ұсынатын бағдарламаны қандай несие түрі арқылы рәсімдеуге болады?

Клиент бұл бағдарлама бойынша алынатын ипотеканы аралық заем арқылы рәсімдейді. Осыған дейін біз аралық заем дегеніміз не және оның қандай несие түрлері бар екендігін айтқан болатынбыз. (Тұрғын үй құрылыс жинақ банкі ұсынатын ипотекалық бағдарламалардың қандай түрлері бар? мақаласын қараңыз).

Біз аралық заем арқылы ипотека рәсімдеу үшін депозитте тұрғын үй құнының 50% болуы қажет екенін білеміз. Егер клиенттің депозитінде тұрғын үй құнының 36% -ы ғана болса, онда бұл бағдарламаның жұмыс істеу механизмі қандай?

Жауап: Аралық заем арқылы несие алу үшін баспана құнының 50% мөлшерінде бастапқы жарна қажет болғандықтан, Тұрғын үй құрылыс жинақ банкі мен BI Group тұрғын үй құнының қалған 14% -ын сіздің ағымдағы депозитіңізге қосады (10 300 000 теңге сомасынан 1 442 000 теңгені қосады). Яғни, депозиттегі жинақталған сомаға 3 708 000 теңге (бастапқы жарна 36%), 1 442 000 теңге (тұрғын үй құнының 14%) қосылады. Сонда сіздің депозитіңізде тұрғын үй құнының 50% болады - 5 150 000 теңге (3 708 000 теңге + 1 442 000 теңге). Осы кезде Сіз аралық заем арқылы несие алуға өтініш бере аласыз. Аралық заем бойынша несие рәсімдеген кезде сіз тұрғын үйдің барлық құнына пыйыздық мөлшерлемені төлейтін боласыз (10 300 000 теңге сомасына). Сыйақы мөлшерлемесі - 7%. Осы бағдарлама бойынша сіз несиені «Стандартный» аралық заем бойынша немесе «Жеңіл» аралық заем бойынша төлейсіз. Жоғарыда көрсетілген несиелердің айырмашылықтары мен шарттары Тұрғын үй құрылыс жинақ банкі ұсынатын ипотекалық бағдарламалардың қандай түрлері бар? мақаласында егжей-тегжейлі көрсетілген.

Сонда Тұрғын үй құрылыс жинақ банкі мен BI Group қосқан тұрғын үй құнының 14% (1 442 000 теңге) сомасымен не болады екен?

Жауап: Осы сомаға Сізге Тұрғын үй құрылыс жинақ банкінде жаңа екінші шот ашылады. Осы соманың жартысын (яғни 1 442 000 теңге / 2 = 721 000 теңге) BI Group сізге сыйға тартып, жаңа депозитке салады. Соманың қалған жартысын (721 000 теңге) Тұрғын үй құрылыс жинақ банкі сізге аралық заем бойынша несиеге береді. Бұл кредиттің дн сыйақы мөлшерлемесі 7% құрайды.

Нәтижесінде, осы бағдарлама бойынша сізде 2 кредит болады. Сіздің ағымдағы шотыңыз бойынша рәсімделетін несие (мұнда тұрғын үй құнының 36% жинақталған және Тұрғын үй құрылыс жинақ банкі мен BI Grour қосқан сома (тұрғын үй құнының 14%)бар) мен BI Group соманың жартысын аударып, сіздің жаңа депозитіңізге салған екінші шот бойынша несие.

Сіз екі несиені де «Стандартный» аралық заем бойынша немесе «Жеңіл» аралық заем бойынша төлейсіз және сіз аралық заемның түрлерін өзіңіз таңдайсыз. Екі кредиттің мерзімін де өзіңіз таңдайтын боласыз.

Пәтерлерді қандай тұрғын үй кешендерінен Тұрғын үй құрылыс жинақ банкі мен BI Group ұсынатын бағдарлама арқылы сатып алуға болады?

Нұр-Сұлтанда:

«Астананың жүрегі» ТК, 1 кезең (BI Group);
LCD «Besterek» (BI Group);

Алматыда:

«Гүлдер» тұрғын үй кешені 2-кезең (BI Group).

Ескерелік жайт: BI Group болашақта бағдарламаға тағы 13 тұрғын үй кешенін қосуды жоспарлап отыр. Бағдарламаға қатысатын тұрғын үй кешендерінің тізімі туралы ақпаратты Тұрғын үй құрылыс жинақ банкінің кеңселерінен және BI Group, Nova City сату бөлімдерінен, сондай-ақ 360 нөмеріне қоңырау шалу арқылы біле аласыз.

Тағы да сұрақтарыңыз қалған болса, AITU мессенджеріндегі "Менің үйім" қауымдастығына қосылыңыздар. Біз міндетті түрде сұрақтарыңызға жауап береміз!

Как оформить ипотеку в Казахстане